Two Place: 二人行：克拉克及蘇碧(一)

24/7/2012 (二)

第二趟的二人行，出走至克拉克及蘇碧。

數天前已知道會有颱風來襲，擔心23號唔能夠領護照同換錢，但怎也沒有想到會係出發那天遇上了十三年一遇的十號颱風.......

23號下午天文台說即將掛8號颱風，即刻打電話到亞航問清楚安排，結果當然係得個吉!! 整晚都訓得唔好，擔心唔知幾時落風球，又擔心天氣進一步變差，結果5點幾起身，每隔30分鐘就更新下資訊，打去好多熱線都得唔到確實既答複，都唔知係延誤定取消，等到8點半，我地決定去機場等消息.... 惡夢從這裡開始........

準備出發之際，突然收到二家姐既電話，話見到我地班機已經確定在10:25起飛，而家已經開始辦理登機手續!!! 當下真係” 口下” 左一聲!!! 10:25？？坐的士都趕唔切做手續啦!!! 無辦法之下，都唯有坐的士去機場博一博.... 又打風又大雨咁，其實坐的士都預左比人割到一頸血，好彩司機哥哥都算有良心~~剩係收我地百五附加費。係程車到唔浪費一分一秒，不斷打電話俾機管局同airasia，可惜兩邊係咁扯貓尾，無辦法掌握機的狀況。10:05終於到機場，一落車就跑去counter到問，幸好仍願意讓我們check-in，但就講明唔保證我地上到機，叫我地快啲跑。在如此忠告下，我地便開始了在機場怒跑的場面。我地不顧禮儀，逢人就過，心埋極度憂慮閘口已關，結果我地10:20到達閘口，見到一條長龍，仲未開始登機，真係好好彩。下次遇到颱風天，無論如何都要去機場到等，個人都安心啲。

上到機，個人輕鬆晒，即刻變得好肚餓，之前趕頭趕命又食唔切早餐，唯有係機上面買啲小食食下，竟然俾我地發現咗一包超好食既曲奇，使到整趟機程好美滿。

小小的機場，印象很一般

兩個小時後便得順利的到達克拉克(CLARK)的國際機場(DMIA)，果然依個機場真係好細，入大堂嗰條路竟然係用貨櫃搭建而成。一出機場門口，很快的便找到往DAU bus Terminal的 Jeepney，成為每人50peso。

很有趣的巴士票。幾個洞，能精確地記錄我們的行程。

大約十數分鐘後便到達了巴士站，環境有點像大陸二三線城巿的巴士站。一下車便有兩三個類似職員的人問我們要往哪裡，正當我想從背包尋找之前自己寫下的巴士線時，那兩三個男人竟然搶了我們的行李放上巴士上。正當我們都很好高興，以為他們很熱情之際，他們便開始收小費了，果然世界上沒有免費的午餐。既然別人服務了我們，我們也只好給了20peso打發他們。

順帶一提，巴士站的洗手間外寫上收費5peso，但我也見到有人沒給也可以直接進去的。巴士上有些小販在賣地道小食，亦有免費wifi供應，但是不太穩定。

往olongapo city的巴車大約需要1.5小時，視乎有沒有行高速公路公路，在車上可向票務員買票，每人140peso。

未到總站就被叫落車，說已到站，後來才知道我們落車的地點叫maingate。一落車就找到好似jeepney咁樣既taxi，同行的旅客竟然都是香港人，亦要一起到Subic Park Hotel，真的很巧合。一人10peso，很快便到了酒店，如果識路，其實行路也不過十五分鐘就到，之後幾日我地都無再坐過taxi。

Subic Park Hotel 比想像中殘舊，是一間溫馨的小旅館，員工都很友善及很願意幫忙，房間的熱水簡直一流，不過第一日住既房外面是工地，某人很鍾意，但我就好唔鍾意個view，所以第二日我地轉咗對面方向既房，可惜另一面就對正酒吧，晚晚都會有免費live band show。

放低行李，約埋啱啱認識的友人，就到了酒店外的沙灘。這個沙灘是不能游水只玩水上活動的，現實中當你看到這有如垃圾場的沙灘，你也不會有任何衝動去游，我地估計可能因為跟颱風天及附近的工程有關。此地不宜久留，拿拿臨坐的士去SM CITY到行下。

這沙灘真的不值一提

SM CITY 應該是Oblongapo裏面最旺的地方，就好似香港既旺角咁，而我地住既Freeport Zone就係經濟特區，好九龍塘咁，係無平民住，亦都唔可以行jeepney。如果要往來這兩個地方，就要通過一條有關閘的天橋。言歸正轉，SM CITY樓高四層，應有盡有，基本我地所有既用品都係到買，唔係特別貴，和香港的消費差不多。

走了一天也沒吃過甚麼東西，雖然心裏想食點地道的食物，但看到快餐店的誘惑也二話不說的進去了，我們快餓暈了。 Jollybee可以說是菲律賓的指定餐廳，就像香港的7仔一樣，總有一間係你附近。我叫了一個有炸雞和飯的SET，有趣是這裏的飯是用紙包的，當職員給我的時候，我還以為她給錯食物我了呢。姑娘則叫了一個令人難以忘味的包，大概食了一個後，熱量足夠一星期的生活吧，不過說真的，味道真的很好!!